იურისტის თანაშემწე
ნინი ლომია იურიდიული ფირმა BLC-ის პარალეგალია, სადაც ის ფირმის კორპორაციული და დავების გადაწყვეტის პრაქტიკებს უწევს მხარდაჭერას. ნინი ადგილობრივ და საერთაშორისო კლიენტებს კორპორაციულ, კომერციულ და საპროცესო საკითხებზე ეხმარება.
მისი საქმიანობა მოიცავს კომპანიების დაფუძნებას, კორპორაციულ მართვას, რეგულაციებთან შესაბამისობას, კორპორაციულ რესტრუქტურიზაციასა და მიმდინარე კორპორაციულ მომსახურებას. იგი ამზადებს და ამოწმებს კორპორაციულ დოკუმენტაციას, ადგენს კომერციულ ხელშეკრულებებს, ატარებს სამართლებრივ კვლევას და დავების გუნდს ეხმარება სამართლებრივ ანალიზში, საპროცესო დოკუმენტების მომზადებაში, საქმის მართვასა და სასამართლო პრაქტიკისა და სამართლებრივი სიახლეების კვლევაში.
ნინი BLC Law Office-ს 2025 წლის მაისში იურიდიული სტაჟიორის პოზიციაზე შეუერთდა, ხოლო 2025 წლის ნოემბერში იურისტის თანაშემწის პოზიციაზე დაწინაურდა.
მან თბილისის თავისუფალი უნივერსიტეტი წარმატებით წარმოადგინა Willem C. Vis-ის საერთაშორისო კომერციული არბიტრაჟის იმიტირებული სასამართლო პროცესის 32-ე კონკურსსა და ICC-ის საერთაშორისო კომერციული მედიაციის შეჯიბრზე. ნინი ასევე მონაწილეობდა არაერთ ეროვნულ იმიტირებულ სასამართლო პროცესში.
- სამართლის ბაკალავრი (LL.B.), თბილისის თავისუფალი უნივერსიტეტი, 2022–2026;
- Willem C. Vis International Commercial Arbitration Moot-ის 32-ე კონკურსი;
- ICC International Commercial Mediation Competition;
- რამდენიმე ეროვნული იმიტირებული სასამართლო პროცესის მონაწილე.